Kryesore » 2012 » Maj » 13 » Taksa për Durrës-Kukës shtyhet për në tetor
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania. comments powered by Disqus |
|
|||||
Copyright MyCorp © 2024 |
||||||
Ministria e Transporteve vendos të shtyjë afatin për pagimin e taksës për autostradënEdhe për këtë sezon veror turistët që do të qarkullojnë në autostradën Durrës-Kukës për t’iu drejtuar bregdetit shqiptar nuk do të paguajnë asnjë taksë. Ministria e Transporteve ka vendosur që tu lërë kohë deri në tetor kompanive të parakualifikuara që do të fitojnë tenderin për mirëmbajtjen e autostradës. Gjatë kësaj kohe këto kompani do të kenë mundësi të vëzhgojnë terrenin, rrugët, nevojat që ajo ka si për shtimin e kryqëzimeve, ndërtimin e një tuneli të vogël apo një ure kryesore mbi liqen në hyrje të Kukesit. Koncesionari që do të fitojë tenderin ka një detyrim prej 80 milionë eurosh investime dhe përgjegjësinë për operimin dhe mirëmbajtjen e autostradës si dhe tunelit të Thirrës. Sipas burimeve nga MT pritet që kompania koncesionare të krijojë të ardhura nga mirëmbajtja e rrugës, minimalisht 350 milionë euro gjatë 35 viteve të ardhshme, që është edhe periudha koncesionare. Kompania koncesionare që do të fitojë tenderin do të ndërtojë një tra doganor te tuneli i Thirrës dhe parashikohet t’i marrë 5 euro çdo automjeti personal dhe 10 euro çdo kamioni, si taksë për mirëmbajtjen e rrugës. Në të njëjtën kohë kompania fituese duhet të ndërtojë të gjithë sistemin e gardhit metalik gjatë gjithë autostradës, sistemin e ndriçimit në të gjitha mbikalimet, përmirësimin e tri lidhjeve në segmentin e rrugës nga Kukësi në kufi, ndërtimin nga e para të mbikalimit në Kalimash. Gjithashtu, dublimin e gjithë segmentit të rrugës nga Miloti deri në Rrëshen dhe ndërtimin e një ure apo një tuneli në Kukës sipas zgjidhjes që do t’i japë ministria. Pranë ministrisë së Punëve Publike dhe Transportit, kanë paraqitur interes për pjesëmarrjen në tender 5 kompani të mëdha ndërkombëtare. Pas muajit tetor të këtij viti, çdokush që do të kalojë në rrugën Durrës-Kukës do të paguajë një taksë, e cila do të përcaktohet në varësi të ofertave më të mira.
GBP Exchange Rate