Kosova nuk përfitoi nga reciprociteti - 26 October 2011

Kryesore » 2011 » Tetor » 26 » Kosova nuk përfitoi nga reciprociteti

5:29 PM Kosova nuk përfitoi nga reciprociteti
Sipas të dhënave të Doganave të Kosovës, Serbia në Kosovë brenda tre muajve ka ekspertuar mallra ne vlerë prej 35.4 milionë euro, derisa Kosova brenda kësaj periudhe ka eksportuar mallra në vlerë vetëm prej 300 mijë euro.Adriatik Stavilevci, zëdhënës në Doganat e Kosovës thotë se eksporti i Kosovës mbetet shumë më i ulët në krahasim me importin. "Prej datës 20 korrik deri më datën 20 tetor importi prej Serbisë ka arritur vlerën prej 35.4 milionë euro. Kurse, nëse flasim në trema të peshës, janë importuar rreth 123 milionë kilogramë. Sa i përket eksportit, eksporti i Kosovës është shumë më i ulët në krahasim me importin dhe nuk e kalon vlerën prej 300 mijë euro”, thotë Stavilevci.Zëdhënësi i Doganave të Kosovës, Adriatik Stavilevci thekson se nëse krahasohet periudha e njëjtë e këtij viti më vitin e kaluar, atëherë importi i Serbisë në Kosovë ka shënuar rënie për 50 për qind. Ai tregon se në periudhën e njëjtë të vitit të kaluar importi i Serbisë në Kosovë ka qenë 77.3 milionë euro. "Përveç fillimit të implementimit që janë shënuar disa probleme në eksport në Serbi, aktualisht janë qartësuar disa gjera dhe nuk kemi të raportuar ndonjë problem”, thotë ai.Me gjithë pohimet e zyrtarëve të Doganave të Kosovës, se nuk ka asnjë problem për eksportin e mallrave kosovare në Serbi, përfaqësuesit e bizneseve thonë të kundërtën. Kompania "Pestova”, në Vushtrri e cila merret me kultivimin e patates, nuk ka arritur të eksportojë në Serbi. Pronari i kësaj kompanie Bedri Kosumi, thotë se tentimet e tyre për të eksportuar në Serbi kanë qenë të pasuksesshme. "Me vendet tjera si Shqipëria, Mali i Zi, Maqedonia, gjithçka po shkon në rregull, po realizohet eksporti dhe nuk kemi asnjë problem. Ndërkaq, sa i përket Serbisë, ne kemi tentuar, por nuk kemi arritur të eksportojmë. Dihet që me masat që ka përdorur Serbia dhe me bojkotin e mallrave tona, ne kemi humbur mbi 30 për qind të tregut”, shprehet Kosumi. Ai kërkon nga autoritetet kosovare që të rishikojnë zbatimin e marrëveshjes, pasi që, siç thotë, ai kjo nuk është duke u respektuar nga Serbia. "Ne kemi eksportuar ne Serbi me dokumente Kosovë – UNMIK çdo vit, ndërsa pas nënshkrimit të kësaj marrëveshjeje nuk kemi pasur sukses në eksport. Ne do të luftojmë për ta marrë atë treg”, shton ai. Serbia, që nga fundi i vitit 2008, ka bllokuar mallrat kosovare për tregun serb, si dhe kalimin transit të tyre, për shkak të ndërrimit të vulave nga ato të UNMIK-ut në ato të Republikës së Kosovës. Qeveria e Kosovës, më 20 korrik kishte vendosur masa të plota reciproke ndaj produkteve serbe, masa këto që u ndërprenë më 16 shtator. Që nga ajo kohë, autoritetet e Kosovës vazhdojnë të pohojnë se bizneset po eksportojnë në Serbi pa ndonjë problem.
1 2 3 4 5 Views: 394 \| Added by: ksdardania \| Rating: 3.0/1

Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Ks-Dardania.

comments powered by Disqus

Currency Converter

GBP Exchange Rate

Content on this page requires a newer version of Adobe Flash Player.